Në Shërbimin e Kardiologjisë Invazive të Qendrës Klinike Universitare të Kosovës ka qëndruar Shefi i Kardiologjisë invazive në Qendren Klinike Universitare të Osjekut – Kroaci, Prof. Dr. Damir Kirner, në cilësinë e mjekut mysafir.
Sipas njoftimit bëhet e ditur se ai ka asistuar gjatë 3 intervenimeve shumë komplekse të cilat janë realizuar me sukses, shkruan Gazeta Shneta.
Gjatë qëndrimit të tij ka dhënë këshilla, sqarime dhe rekomandime për shumë raste komplekse të cilat parashikojnë t’i realizojnë edhe mjekët e QKUK-së, në të ardhmën e afërt.
Sipas ShSKUK-së në shërbimin e Kardiologjisë Invazive, sipas raportit 9- mujor të punës të këtij viti, të Klinikës së Kardiologjisë, janë kryer 2771 koronarografi dhe 2659 stentime./Gazeta Shneta/