Shenjat që tregojnë se jeni dehidruar

2018-06-06 në ora 10:02

Kur duhet të dini se nuk po pini ujë mjaftueshëm?

Dehidrimi ndodh kur trupi i juaj nuk ka sasinë e ujit që i nevoitet. Është normale të humbisni ujë nga trupi çdo ditë me anë të djersës, urinës e madje edhe gjatë frymëmarrjes, njofton Gazeta Shneta.

Por, sasia më e madhe humb me anë të:

  • Etheve
  • Diarresë
  • Vjelljes
  • Djerrësitjes së tepruar
  • Urinimit shumë të shpeshtë

Ujin që e humbisni mund të mos e zëvendësoni sepse:

  • Jeni të zënë dhe harroni të pini mjaftueshëm
  • Nuk e vëreni se jeni të etur
  • Nuk ju pihet sepse keni pezmatim të fytit ose gojës, ose keni dhimbje barku

SIMPTOMAT

Simptomat e dehidrimit të lehtë janë:

  • Etje
  • Goja e tharë
  • Nuk urinoni mjaft
  • Urinë e verdhë e errët
  • Lëkurë e thatë
  • Kokëdhimbje
  • Shtrëngim muskujsh

Simptomat e dehidrimit të rëndë:

  • Nuk urinoni ose keni urinë shumë të errët
  • Lëkurë shumë e thatë
  • Keni marramendje
  • Rrahje e shpejtë e zemrës
  • Sytë me gropa
  • Keni gjumë, mungesë të energjisë, jeni të hutuar dhe të irrituar
  • Ju bie të fikët

Simptomat për bebet dhe fëmijët e vegjël ndryshojnë nga ato të të rriturve:

  • Gojë dhe gjuhë e thatë
  • Qajnë pa lot
  • Pelena të thata për 3 orë
  • Sytë në gropë
  • Të përgjumur, mungesë energjie dhe irritim

Evitoni këto duke pirë sa më shumë ujë dhe duke konsumuar ushqime sa më të lëngshme./GazetaShneta