Dita Botërore pa Duhan e cila shënohet në disa vende të botës dhe që i kushtohet luftës kundër duhanit, është mbajtur edhe në Kosovë me një ligjëratë të Dr. Dafina Krasniqit në shkollën fillore “Daut Bogujevci” në Fushë Kosovë.
Dita Botërore pa Duhan është një ditë që i kushtohet luftës kundër duhanit. Kjo ditë shënohet që prej vitit 1987 çdo 31 maj. Çdo herë ka një temë të veçantë, për shembull iu kushtua mjediseve të brendshme pa duhan.
Doktoresha Dafina Krasniqi gjatë ditës së sotme në bashkëpunim me stacionin policor ne Fushe Kosovë përkatësisht komandantin e këtij stacioni major Besart Shaqiri, në shkollën fillore “Daut Bogujevci” mbajtën nje ligjëratë per vetëdijesimin rreth pasojave ne shëndet që shkakton pirja e duhanit si dhe përmbajtjen e ligjit kundër duhanit dhe gjobat ndaj atyre qe janë konsumues te duhanit në hapësirat e brendshme publike. Me këtë rast ne këtë ligjëratë ishin rreth 40 nxënës.
“Kjo që u cek sot le të jetë mësim për gjithë ju te rinjtë që e pini duhanin, që të shpëtoni nga kjo shprehi e rrezikshme, përbuzni dhe flakni këtë dukuri të dëmshme individuale dhe kombëtare. Ajo që është e dëmshme ajo që shkatërron shëndetin, pasurinë tuaj e bashkë me këtë edhe fatin tuaj, nuk mund të jetë as moderne, as kulturë e as civilizim. Me këtë rast e falënderoj majorin Besart Shaqiri për bashkëpunim. Këto ligjërata vetdijsuese do vazhdojnë edhe ne te ardhmen qoftë me polici qoftë me institucione tjera, ligjërata qe do jene për te mirën e rinis”, ka deklaruar Dr. Krasniqi, thuhet në njoftim. /Gazeta Shneta/