13 shkurti konsiderohet si Dita Ndërkombëtare e Epilepsisë në më shumë se 130 vende të ndryshme të botës.
Në Klinikën e Neurologjisë të QKUK-së, është diskutuar dhe shënuar Dita Ndërkombëtare e Epilepsisë, e cila ka për qëllim vetëdijësimin dhe ndërgjegjësimin rreth sëmundjes së epilepsisë, përcjell Gazeta Shneta.
“Qëllimi kryesor i shënimit të kësaj dite, është ngritja e vetëdijes për nevojën e përmirësimit të tretmanit dhe kujdesin për gjashtë milionë njerëz në Evropë, të cilët konsiderohen se e kanë epilepsi”, ka njoftuar ShSKUK gjatë komunikatës së fundit.
Dr. Valbona Govori, specialiste ne Klinikën e Neurologjisë, theksoi se në këtë klinikë janë trajtuar 1010 pacientë. Ku ndër të tjera, dr. Govori, tha se pacientët që vuajnë nga epilepsia ballafaqohen me stigmatizim të madh.
Kriza epileptike shkaktohet nga zbrazja enorme e qelizave te eksituara nervore. Epilepsia mund të fillojë në çdo moshë por më e zakonshme është në fëmijëri dhe në moshat e shtyra (mbi 65 vjeç).
Personat me epilepsi duhet të jetojnë dhe të punojnë në një atmosferë normale e të shëndoshë, me përkrahje të familjes dhe mjedisit shoqëror. /Gazeta Shneta/