Është shkarkuar drejtori i Spitalit të Vushtrrisë si masë ndaj dyshimeve për korrupsion nga menaxhmenti i SHSKUK-së
Drejtori i Spitalit të Vushtrrisë Dr. Hajrullah Saraqi është shkarkuar nga kjo pozitë nga drejtori i Përgjithshëm i Shërbimit Spitalor Klinik Universitar, shkruan Gazeta Shneta.
Gazeta ka marr vesh nga burime brenda SHSKUK-së se Saraqi është shkarkuar nga kjo pozitë për shkak të dyshimeve për korrupsion dhe ryshfet në këtë institucion.
“Dyshimet për korrupsion dhe ryshfet në këtë spital kanë qenë evidente edhe ma herët. Drejtori është shkarkuar për shkak të mungesës së performancës së tij si menaxher ndaj këtyre dyshimeve”, ka deklaruar ky burim.
Gazeta ka kontaktuar me Saraqin, por i njëjti nuk ka pranuar të komentoj shkarkimin e tij. Përgjigje zyrtare nuk kanë kthyer as zyra e drejtorit të SHSKUK-së. Ndërkaq në vend të Saraqit është emëruar ushtrues detyre Dr. Mursel Pllana.
SHSKUK pati hapur konkursi për drejtor të këtij spitali gjatë këtij viti, por i njëjti u anulua pasi favorit për këtë pozitë ishte një anëtar i PDK-së, i cili më herët kishte qenë drejtor komunal gjatë mandatit të kësaj partie. /Gazeta Shneta/