Shkencëtari i cili qëndron prapa vaksinës së parë Covid-19, është i bindur se produkti i tij mund të “godasë virusin mbi kokë” dhe t’i japë fund pandemisë që ka mbajtur peng botën në 2020.
Kompania gjermane BioNTech dhe gjiganti farmaceutik amerikan Pfizer njoftuan përmes një komunikate për shtyp të hënën se vaksina e tyre kandidate, e zhvilluar së bashku kishte tejkaluar pritjet në fazat vendimtare hulumtuese duke dal 90% efektive në parandalimin e sëmundjes, shkruan The Guardian, përcjell Gazeta Shneta.
Në intervistën e tij të parë me një gazetë britanike, shefi ekzekutiv i BioNTech, Uğur Şahin, i tha The Guardian se ishte optimist.
“Nëse pyetja është a mund ta ndalojmë këtë pandemi me këtë vaksinë, atëherë përgjigjja ime është: po, sepse unë besoj se edhe mbrojtja vetëm nga infeksionet simptomatike do të ketë një efekt dramatik,” tha Şahin përgjatë një takimit në Zoom nga shtëpia e tij në Mainz.
Derisa u zbuluan rezultatet e provave të së hënës, ai nuk ishte i sigurt nëse vaksina e tij do të shkaktonte një reagim mjaft të fortë nga sistemi imunitar i njeriut.
“Ishte e mundur që virusi nuk është në shënjestër të vërtetë nga vaksina dhe gjen rrugën e tij në qeliza dhe vazhdon t’i bëjë njerëzit të sëmurë. Mirëpo, tani e dimë që vaksinat mund ta mposhtë këtë virus”.
“Vaksina pengon Covid-19 të fitojë qasje në qelizat tona. Por edhe nëse virusi arrin të gjejë një rrugëdalje, atëherë qelizat T e godasin atë mbi kokë dhe e eliminojnë atë. Ne e kemi trajnuar shumë mirë sistemin imunitar për të përsosur këto dy lëvizje mbrojtëse. Tani e dimë që virusi nuk mund të mbrohet kundër këtyre mekanizmave”.
I pyetur nëse kishte ndonjë pasion apo hobi që do ta realizonte sapo vaksina të vinte në treg, Şahin tha: “Ne jemi shkencëtarë të racës së mirë. Ne e duam punën tonë dhe na pëlqen të flasim për të. Puna nuk është kurrë stres për ne, diçka nga e cila përpiqemi të shkëputemi”. Ai tha se nuk kishte “asnjë mënyrë” që ai të zëvendësonte biçikletën që ai ka përdorur për udhëtimet e tij ditore për 15 vitet e fundit diçka tjetër. /Gazeta Shneta/