Në Itali është rënduar gjendja me koronavirusin Covid-19 pasi numri i viktimave ka arritur në 107, ndërsa të prekur janë regjistruar mbi tre mijë persona
Që nga fillimi i epidemisë e deri më tani në Itali janë infektuar 3089 persona, ndërsa plotë 587 janë konfirmuar brenda 24 orëve.
Por ka edhe nga ata që janë shëruar nga ky virus vdekjeprurës. Sipas autoriteteve në Italia, janë 276 numri i pacientëve që kanë marrë veten duke mposhtur koronavirusin (116 më shumë se dje). Ndërkohë përqindja e vdekshmërisë në krahasim me numrin e të prekurve përllogaritet të jetë 3.4%.
Në Itali, janë prekur 19 rajone nga koronavirusi, i vetmi rajon që nuk ka shënuar të infektuar deri më tani është Lugina e Aostas.