Gjatë ditës së djeshme u dha lajmi për arrestimin e tre mjekëve nga Spitali i Przirenit pas vdekjes së foshnjës së posalindur. Mjekët u arrestuan me dyshimet për kryerjen e veprës penale ‘Trajtim i pandërgjegjshëm mjekësor’.
Rreth këtij arrestimi ka reaguar Shoqata e Obstetërve dhe Gjinekologëve të Kosovës me anë të një letre publike për Ministren e drejtësisë Albulena Haxhiu, ministrin e Shëndetësisë dr. Arben Vita, , ministrin e Punëve të Brendshme Xhelal Sveçla, kryeprokurorin e Shtetit Besim Kelmendi dhe drejtorin e Përgjithshëm të Policisë së Republikës së Kosovës Gazmend Hoxha, shkruan Gazeta Shneta.
Përmes kësaj letre ata kanë shprehur shqetësimin dhe protestën e thellë lidhur me arrestimin e tre mjekëve të nderuar të Spitalit të Prizrenit. Sipas tyre, vdekje të tilla ndodhin edhe në vendet me sisteme shumë të mira shëndetësore, mirëpo mjekët nuk arrestohen.
Për fat të keq, vdekje të tilla ndodhin edhe në vendet me sisteme shumë të mira shëndetësore, POR MJEKËT NUK ARRESTOHEN,- shkruhet në letër
Më tutje ata kanë thënë se lajmi për arrestimin e mjekëve nën akuzat për “trajtim të pandërgjegjshëm mjekësor” ka tronditur komunitetin mjekësor dhe ka ngjallur zemërim tek individë të shumtë që besojnë në përkushtimin dhe profesionalizmin e mjekëve dhe se këto veprime hedhin hije në të gjithë sistemin shëndetësor. Si pasojë e kësaj situatë potencialisht mjekët e rinj e të talentuar mund të frenohen nga ndjekja e karrierës në mjekësi në Kosovë, duke çuar në mungesë të ofruesve të kualifikuar të kujdesit shëndetësor në të ardhmen.
Veprimet e ndërmarra ndaj këtyre mjekëve jo vetëm që ndikojnë në jetën dhe karrierën e tyre, por gjithashtu hedhin hije në të gjithë sistemin shëndetësor. Kjo krijon një atmosferë frike dhe pasigurie midis profesionistëve mjekësorë, duke i penguar ata të ofrojnë kujdesin më të mirë të mundshëm për pacientët e tyre.
Kjo situatë potencialisht mund t’i frenojë mjekët e rinj e të talentuar nga ndjekja e karrierës në mjekësi në Kosovë, duke çuar në mungesë të ofruesve të kualifikuar të kujdesit shëndetësor në të ardhmen, – thuhet nw letwr.
SHOGJK ka kërkuar që të kryhet një hetim i paanshëm dhe i plotë, duke marrë parasysh historikun e mjekëve shembullor dhe jetët e panumërta që ata kanë ndikuar pozitivisht.
Për më tepër, i kanë inkurjuar të rishikojnë protokollet dhe procedurat për adresimin e çështjeve të tilla në të ardhmen.
Për më tepër, ju inkurajojmë të rishikoni protokollet dhe procedurat tuaja për adresimin e çështjeve të tilla në të ardhmen.
Është thelbësore të krijohen mekanizma transparentë dhe të paanshëm që sigurojnë trajtimin e drejtë të profesionistëve mjekësorë, duke mbështetur sigurinë e pacientit, por jo duke nëpërkëmbur reputacionin e mjekëve.- ka shtuar ShOGJK.
Postimi i plotë: