Në raportin ditor të shpalosur nga Shërbimi Spitalor Klinik dhe Universitar i Kosovës (SHSKUK), është parë nga afër gjendja e fundit e krijuar në vend si rezultat i variantit Delta.
Ndër të tjera, thuhet se vazhdon të ulet numri i pacientëve që po kërkojnë spitalizim nga COVID-19, në kuadër të klinikave COVID në QKUK dhe spitalet e përgjithshme përcjell Gazeta Shneta.
Sipas raportit të datës 3 tetor, në trajtim janë 174 pacientë, 128 pacientë me oksigjeno-terapi dhe 14 në gjendje të rënduar shëndetësore, në kujdes intensiv mjekësor.
Numri i pacientëve sipas klinikave COVID-19 dhe spitaleve të përgjithshme:
– Klinika Infektive, 40 pacientë;
– Klinika Infektive II (Mjekësi Sportive) 14 pacientë;
– Klinika e Pulmologjisë, 27 pacientë post-covid-19;
– Mjekimi Intensiv në Klinikë Infektive, 11 pacientë;
– Spitali i Prizrenit, 7 pacientë;
– Spitali i Gjakovës, 15 pacientë;
– Spitali i Pejës, 17 pacientë;
– Spitali i Gjilanit, 12 pacientë;
– Spitali i Vushtrrisë, 2 pacientë;
– Spitali i Mitrovicës, 12 pacientë;
– Spitali i Ferizajt, 17 pacientë. /Gazeta Shneta/