SHSKUK ka njoftuar për dhënien e kontratës për kompaninë “Layo” për blerjen e protezave të gjurit dhe materialeve tjera me vlerë rreth 1.5 milionë Euro.
Shërbimi Spitalor Klinik dhe Universitar i Kosovës ka njoftuar për dhënien e kontratës për furnizim me proteza të gjurit dhe materiale tjera përcjellëse, shkruan Gazeta Shneta.
Në këtë tender janë shpërblyer dy operatorë, kompania “Layo” me dy tre llote me vlerë mbi 1.4 milionë Euro si dhe kompania “Agani” me dy llote me vlerë rreth 17 mijë Euro.
SHSKUK ia ka dhënë kompanisë “Layo” lotin 1 për furnizim me sete të gjurit me vlerë 692,062 Euro, lotin 2 për proteza për revizion me vlerë 298,900 Euro, dhe lot 5 për material osteosintetik me vlerë 495,345 Euro.
Kurse kompania “Agani” është shpërblyer me lot 4 për kockë artificiale me vlerë 9490 Euro dhe lot 6 për sete universale për salla operative me vlerë 7722 Euro. /Gazeta Shneta/