Shërbimi Spitalor Klinik Universitar e ka dënuar dhunën ndaj gazetarëve në Spitalin rajonal të Gjakovës.
Në këtë spital gjatë ditës së djeshme u sulmua fizikisht ekipi i gazetës “Nacionale”, nga pjesëtari i sigurimit të spitalit, shkruan Gazeta Shneta.
“ShSKUK, e dënon veprimin e të punësuarve të Spitalit, që penguan punën e lirë të gazetarëve dhe medieve, duke garantuar dhe ofruar bashkëpunim të plotë me mediet dhe gazetarët”, thuhet në reagimin e SHSKUK-së.
Menaxhmenti i këtij institucioni ka bërë të ditur se së shpejti do të publikohen masat që janë ndërmarr në këtë spital, ku prej datës 7 korrik janë ndalur operacionet e planifikuara me arsyetimin e temperaturave të larta.
Lexoni reagimin e plotë të SHSKUK-së:
Shërbimi Spitalor dhe Klinik Universitar i Kosovës (ShSKUK), është duke analizuar situatën e fundit në Spitalin e Përgjithshëm “Isa Grezda”, në Gjakovë.
Menaxhmenti i ShSKUK do të ndërmarrë të gjitha veprimet e nevojshme, konform kompetencave ligjore që ka, për të ofruar shërbime shëndetësore për qytetarët e rajonit të Gjakovës.
ShSKUK, e dënon veprimin e të punësuarve të Spitalit, që penguan punën e lirë të gazetarëve dhe medieve, duke garantuar dhe ofruar bashkëpunim të plotë me mediet dhe gazetarët.
ShSKUK, nuk ka qenë në dijeni për pengimin e gazetarëve, deri në publikimin e videos nga mediet.
Së shpejti do të bëhen publik hapat që do të ndërmerren në Spitalin e Gjakovës