Shërbimi Spitalor Klinik Universitar ka hapur konkurs për drejtorë të 17 institucioneve rajonale.
Në këtë konkurs janë hapur pozitat e lira për drejtorë të gjashtë spitaleve rajonale, Gjilan, Gjakovë, Pejë, Mitrovicë, Vushtrri dhe Ferizaj. Të gjitha këto spitale aktualisht udhëhiqen nga ushtrues detyre, shkruan Gazeta Shneta.
Konkurs për drejtorë është hapur edhe për Qendrës Kombëtare të Telemjekësisë, Qendrës Kombëtare të Mjekësisë së Punës në Gjakovë si dhe Qendrës Kombëtare të Mjekësisë Sportive.
Poashtu konkurs për drejtorë është hapur edhe në Qendrën për Integrim dhe Rehabilitimin e të Sëmurëve Kronik Psikiatrik në Shtime, si dhe në tetë qendrat e Shëndetit Mendor me Shtëpitë për Integrim në Bashkësi në Prishtinë, Mitrovicë, Pejë, Prizren, Gjakovë, Gjilan dhe Ferizaj.
Në të njëjtën ditë është shpallur konkursi edhe për gjashtë klinika të QKUK-së: ORL Neurologjisë, Psikiatrisë, Radiologjisë, Onkologjisë dhe Kirurgjisë së Fëmijëve. Gazeta ka mësuar se drejtorëve që iu ka skaduar mandati iu është vazhduar detyra deri në përfundim të procedurave të konkursit.
Konkursin e plotë e gjeni në këtë vegzë: Konkurs për drejtorë të Njësive Organizative në SHSKUK 31.12.2021 /Gazeta Shneta/