Shërbimi Spitalor Klinik Universitar i Kosovës i ka dënuar kompanitë me mbi 52 mijë euro këtë vit
Në një raport të Zyrës së Prokurimit të SHSKUK-së të cilin e ka siguruar Gazeta Shneta, janë listuar kompanitë të cilat janë dënuar nga muaji shkurt i këtij viti deri më 1 shtator.
Totali i dënimeve për dhjetra kompani ka kapur shumën prej 52 mijë e 574 Euro. Këto dënime janë shqiptuar për vonesë të liferimit të barnave dhe materialeve në njësitë e SHSKUK-së.
Disa nga kompanitë që janë dënuar më së shumti janë “Agani LTD”, “Liri-Med”, “Exsklusive SHPK”, “Medical Group”, “Pharma Leader”, “Santepharm”, etj.
Këto gjoba ndaj kompanive janë konfirmuar dje edhe nga SHSKUK përmes një njoftimi, ku poashtu është publikuar edhe lista e operatorëve që kanë vonuar dorëzimin e barnave dhe materialeve në tremujorin e tretë të këtij viti.
“Me qëllim të rritjes së transparencës dhe informimit saktë dhe të drejt, drejtoria e Shërbimit Spitalor Klinik dhe Universitar e Kosovës, ka vendosur të bëjë publike listën e kompanive farmaceutike të cilat kanë bërë vonesa në furnzim me barna dhe material shpenzues, përkundër kontratave të lidhura me ShSKUK. Të gjitha këto kompani, janë trajtuar sipas Ligjit të Prokurimit Publik, duke u gjobitur për vonesat”, është thënë në këtë njoftim.
Më poshtë gjeni listën e plotë të kompanive të dënuara me shuma të ndryshme. /Gazeta Shneta/