SHSKUK-ja e pezullon për 3 muaj mjekun Skënder Telaku

2017-12-16 në ora 12:15

Gastroenterologu Skënder Telaku është suspenduar nga puna për 3 muaj.

Gazeta Shneta merr vesh nga burime brenda SHSKUK-së se Telaku është suspenduar nga puna, pas një peticioni nga stafi i Klinikës së Gastroenterologjisë, si dhe referimit të pacientëve në spitalet private.

Këtë e ka konfirmuar edhe Zyra për Media e SHSKUK-së.

“Komisioni Disiplinor ka suspenduar nga puna mjekun Skender Telaku për 3 muaj. Vendimi është marr për shkak të një peticioni nga stafi i klinikës të cilët janë ankuar ndaj mjekut në fjalë për pengesa në procesin e punës. Poashtu, në vendimin e Komisionit Disiplinor është konstatuar se Telaku ka referuar pacientë në spitalet private”, thuhet në përgjigjen e Zyrës së SHSKUK-së.

Skënder Telaku para pak ditësh është zgjedhur anëtar në Kuvendin e Odës së Mjekëve të Kosovës, nga zgjedhjet e 1 dhjetorit.

Telaku kishte falënderuar specializantët për 11 votat që e çuan në Kuvendin e OMK-së. /Gazeta Shneta/