ShSKUK ka pritur në takim, drejtorin e drejtorisë së Shëndetësisë për Komunën e Prishtinës. Në këtë takim është diskutuar për mundësinë e bashkëpunimit në mes të dy palëve me qëllim të përkrahjes së stafit mjekësor përmes trajnimeve.
Zv. e drejtorit të përgjithshëm të Shërbimit Spitalor Klinik dhe Universitar të Kosovës (ShSKUK), Dr. Narqize Arënliu-Hoxhaj, ka pritur në takim, Dr. Izet Sadikun, drejtorin e drejtorisë së Shëndetësisë për Komunën e Prishtinës.
Në këtë takim është diskutuar mundësia e bashkëpunimit ndërmjet ShSKUK-së dhe Komunës së Prishtinës, me qëllim të përkrahjes që mund të japë ShSKUK, në trajnimin e stafit mjekësor që shërben në kuadër të Drejtorisë së Shëndetësisë të Komunës së Prishtinës, përcjell Gazeta Shneta.
Ndër të tjera, në këtë takim është folur dhe për mundësinë e lidhjes së një Marrëveshjeje të Bashkëpunimit, e cila në theks do ta ketë përkrahjen që mund të japë ShSKUK, përmes ekspertëve të saj, konform kërkesave që ka Komuna e Prishtinës. /Gazeta Shneta/
