Shtesat prej 10 për qind ose minimumi 60 euro për punëtorët shëndetësorë, mund të vazhdohen deri në miratimin e Ligjit për Paga.
Gazeta Shneta ka mësuar nga burime se punëtorëve shëndetësorë iu është premtuar se shtesat 10 për qind ose minimumi 60 euro, nuk do të ndalen pas tre muajsh.
“Shtesat nuk do të ndalen pas tre muajsh. Premtimi është se do të vazhdohen këto shtesa prej 10 për qind mbi pagën, deri në miratimin e Ligjit për Paga nga Kuvendi i Kosovës. Ky është një zotim edhe nga Ministria e Financave”, ka thënë ky burim.
Qeveria e Kosovës këtë javë mori vendim për mbështetjen e punëtorëve shëndetësorë për punën e tyre gjatë pandemisë me 10 për qind mbi pagën ose minimumi 60 euro.
Ky vendim shkaktoi reagime nga organizatat e profesionistëve shëndetësorë, duke shprehur pakënaqësinë me shumën e caktuar. /Gazeta Shneta/