Si të bëni dallim ndërmjet simptomave të koronavirusit, gripit sezonal dhe ftohjes

2020-09-29 në ora 11:53

Me ardhjen e vjeshtës dhe dimrit, pritet të shtohen edhe viruset sezonale dhe ftohja e zakonshme. Por këtë vit këto dy sëmundje do të jenë më të komplikuara për shkak të koronavirusit.

Shërbimi Kombëtar i Shëndetit publik në Angli ka publikuar një tabelë informuese për qytetarët, në të cilën bëhet dallimi ndërmjet simptomave të gripit sezonal, koronavirusit, dhe ftohjes, shkruan “The guardian”, transmeton Gazeta Shneta.

Simptomat e koronavirusit

Simptomat më të shpeshta të koronavirusit janë temperatura më e lartë se 37.8, kolli i thatë, humbja e shijës dhe nuhatjes. Pacientët me Covid zakonisht vuajnë edhe nga lodhja, dhimbjet e trupit, dhimbjet e fytit, dhimbja e kokës dhe gulçimi. Ndërkaq diarreja dhe rrjedhja e hundëve janë më të rralla të koronavirusi. NHS thotë se këto simptoma mund të jenë më të lehtë ose më të rënda.

Simptomat e ftohjes

Simptomat më të zakonshme të ftohjes janë teshtitja, dhembjet e trupit, rrjedhja ose bllokimi i hundës dhe dhimbja e fytit. Ndonjëherë ka kollë të lehtë, lodhje ose dhimbje koke në raste më të rralla. Ftohjet nuk shkaktojnë diarre, transmeton gazetashneta. NHS thotë se gjatë ftohjes zakonisht simptomat paraqiten gradualisht.

Gripi sezonal

Gripi sezonal zakonisht paraqitet me ethe, lodhje, kollë e thatë, dhembje trupi dhe koke. Pacientët ndonjëherë përjetojnë edhe rrjedhje ose bllokim të hundës dhe dhembje fyti. Diarrea ndonjëherë mund të ndodhë tek fëmijët. Zakonisht nuk ka teshtimë gjatë gripit sezonal, por gulçim i rëndë. NHS thotë se simptomat e gripit sezonal paraqiten më shpejt.

Gjithsesi për çfarëdo simptoma që mund të përjetoni, kërkoni ndihmën e mjekut familjar për të saktësuar diagnozën. /Gazeta Shneta/