Emisioni Shneta në T7 ka sjellë detaje për ilaçin e kontaminuar me një copë metali në Qendrën Klinike Universitare.
Ky ilaç antibiotik ceftriaxone është prodhim i kompanisë Syner Medico në Indi, ndërsa është importuar në Kosovë nga operatori Liri-Med.
Qendra Klinike Universitare i ka paguar kësaj kompanie mbi 311 mijë euro me kontratë 2 vjeçare për këtë ilaç.
Kryeinspektorja farmaceutike Remzije Thaqi ka thënë se në inspektimin fillestar, e kanë bllokuar gjithë sasinë e këtij antibiotiku në QKUK dhe në Spitalin e Mitrovicës.
Thaqi ka bërë të ditur se është njoftuar Agjencia për Produkte Medicinale nga e cila është kërkuar që ta tërheq plotësisht nga tregu këtë produkt.
Më poshtë e gjeni linkun e plotë të emisionit Shneta ku mund ta shihni storjen për këtë produkt të kontaminuar.