Një ngjarje e rëndë ka ndodhur gjatë ditës së djeshme në Qendrën Kryesore të Mjekësisë Familjare në Fushë Kosovë, ku një person ka tentuar që t’i japë fund jetës së tij, raporton Gazeta Sinjali.
Burimet e Gazetës Sinjali brenda Emergjencës së Qendrës Klinike Universitare të Kosovës bëjnë me dije se 41-vjeçari është dërguar atje në gjendje të rëndë, pasi i njëjti kishte prerë venat e dorës.
Pas intervenimit të stafit mjekësor, gjendja e viktimës është stabilizuar dhe ai ndodhet jashtë rrezikut për jetë.
Lidhur me rastin është njoftuar edhe Policia të cilët kanë dalë në vendin e ngjarjes dhe kanë intervistuar një dëshmitar i cili punon bashkë me viktimën, për të cilin Sinjali mëson se ushtron detyrën e punëtorit të sigurimit në QKMF-në në Fushë Kosovë. Ai ka deklaruar se ka gjetur kolegun e tij në vendin e punës dhe menjëherë i ka ndihmuar duke e dërguar në spital.
Nuk dihen ende motivet që e shtynë viktimën që të bëjë këtë veprim, teksa me urdhër të prokurorit rasti është cilësuar ‘Vetëvrasje në tentativë’.