“Pse femrat që zbulojnë belin rrezikojnë të mbeten sterile?”, është pyetja me të cilën mbaron njësia mësimore libri “Njeriu dhe Natyra”, i klasës së pestë, tek kapitulli ‘Zhvillimi individual i njeriut.’
Gazeta “Jeta në Kosovë” ka kuptuar se përgjigjen e kësaj pyetje nxënësit duhet ta gjejnë vetë, pasi që nuk kishte asnjë sqarim në përmbajtje të kapitullit.
Ministria e Arsimit është pyetur nga “Gazeta Jnk” në lidhje me procedurën e tërheqjes së këtij librit, por ajo nuk ka dashur t’u përgjigjet pyetjeve të tyre.
Megjithatë, gazeta ka folur me Arta Gashin, mësuese e klasës së pestë, e cila e kishte diskutuar me nxënësit pyetjen e cituar në libër.
Mësuesja ka shpjeguar për vështirësitë që kishte hasur gjatë shpjegimit të sterilitetit dhe madje është habitur se si fjala sterilitet u kishte asociuar nxënësve me sterilizimin e pajisjeve mjekësore të dentistit.
Shkrimin e plotë mund ta lexoni në Kallxo.com.