Një djalë i vogël me pneumoni është detyruar të shtrihet në dysheme në një spital në Britani të Madhe, për shkak të mungesës së shtretërve.
Nëna e tij e dëshpëruar Sarah Williment e ka mbuluar djalin e saj 4-vjeçar Jack me pallton e saj për të mbajtur sado pak të ngrohtë dhe rehat, shkruan Mirror, transmeton Gazeta Shneta.
Pasi mjekët e triazhuan pacientin nga Emergjenca në njërin nga repartet, vogëlushi sërish u detyrua të pres ulur në një karroc rreth pesë orë për t’iu liruar një shtrat.
Nëna Sarah ka lavdëruar punën e stafit mjekësor, por ka shprehur indinjatën e saj me sistemin shëndetësor. “Jam e inatosur me sistemin dhe mungesën e shtretërve, për çka unë supozoj se është për shkak të mungesës së buxhetit të NHS-së”, ka deklaruar ajo.
Opozita në Britani të Madhe janë duke e shfrytëzuar këtë fotografi për ta kritikuar kryeministrin Boris Johnson, të cilit i kanë bërë thirrje që t’i kërkoj falje familjes së pacientit të vogël. /Gazeta Shneta/