Në emisionin e sotëm ‘’Drejtësia në Kosovë’’ u trajtua hulumtimi për zvarritjen e organeve të hetuesisë për për rastin e 36 vjeçares Sabrie Fazliu, e cila vdiq në vitin 2016 në QKUK.
Ashtu siç raporton ‘’Drejtësia në Kosovë’’, policia kishte dorëzuar një kallëzim penal më 20.07.2016 ndaj katër mjekëve me dyshimin se ata nuk e kishin kryer punën ashtu siç duhet.
Vonesat ishin pasuar tutje në Prokurorinë themelore të Prishtinë ku ende nuk ka aktakuzë të ngritur dhe kjo e ka shtyrë familjen të angazhoj avokatin Asdren Hoxha, i cili po vazhdon të potencojë se ky rast po neglizhohet.
“Momentin kur kam marrë autorizimin, kam kërkuar që të zhvillohen me urgjencë hetimet sipas kallëzimit penal të dërguar nga policia e Kosovës në prokurori gjashtë muaj me vonë, dhe fillimisht ka qenë për habi se pse duhet kaluar gjashtë muaj për dorëzimin e një kallëzimi penal në prokurori”, tha avokati Hoxha.
“Prokuroria nuk nxjerri aktvendim për fillimin e hetimeve duke hezituar dhe duke pritë rrethana të ndryshme, prokurori kërkon nga QKUK të hartoj një raport në vendin ku ka vdes e dëmtuara dhe kjo ka qenë e habitshme për familjen dhe për mua”, theksoi Hoxha./kallxo/