Vrasësi i Hamide Magashit është dërguar në Klinikën Emergjente në QKUK pa shenja jete.
Sokol Halili i cili dyshohet se është vrasësi i gruas shtatzënë Hamide Magashit, ka qëlluar vetën sot pasi Policia e Kosovës e kishte lokalizuar vendin ku fshihej, shkruan Gazeta Shneta.
Halili sipas raportimeve, nuk i është dorëzuar Policisë dhe e ka qëlluar vetën në prezencën e tyre.
Ai është dërguar në Klinikën Emergjente në QKUK por aty ka mbërritur pa shenja jete.
Këtë e ka konfirmuar për Gazetën Shneta drejtori i Emergjencës Dr. Naser Syla. “Po është sjellë në Emergjencë por ka qenë pa shenja jete”, ka deklaruar Syla.
Ai nuk ka dhënë më shumë detaje duke thënë se këto janë çështje të organeve të drejtësisë.
Sokol Halili dyshohet se ka vrarë ish-gruan e tij shtatzënë të mërkurën mbrëma në oborrin e Klinikës së Gjinekologjisë në QKUK, ku e ndjera ishte hospitalizuar në javën e fundit të shtatzënisë dhe priste të lindte fëmijën e saj. /Gazeta Shneta/