Autoritetet spanjolle kanë nisur një hetim ndaj kompanisë farmaceutike daneze Novo Nordisk, nën dyshimin se ajo po reklamojnë në mënyrë të fshehtë medikamentet për humbje peshe Ozempic dhe Wegovy, në kundërshtim me ligjet e BE-së që ndalojnë reklamimin e barnave me recetë direkt për konsumatorët.
Sekretari i shtetit për shëndetësi në Spanjë, Javier Padilla, deklaroi për Euronews Health se fushata e kompanisë “Obesidad Sin Filtros” (Obeziteti pa filtra), që synonte të rrisë ndërgjegjësimin për rreziqet shëndetësore të obezitetit, është “shumë e qartë” si përpjekje për të promovuar barnat e saj, transmeton Gazeta Shneta.
Edhe pse fushata nuk përmendte drejtpërdrejt medikamente, kjo ofronte këshilla për humbje peshe dhe referenca nga shoqata shkencore, dhe u shoqërua me një faqe interneti që tani është mbyllur.
Sipas Padillës, është e njohur se kur Novo Nordisk flet për obezitetin, në fakt po promovon Ozempic.
Ministria e Shëndetësisë kërkoi informacion shtesë mbi fushatën dhe po shqyrton mundësinë e gjobitjes nëse konfirmohet shkelja.
Edhe vende të tjera, si Irlanda dhe Britania, kanë hetuar praktikat e marketingut të kompanisë.
Padilla bëri thirrje për mbikëqyrje më të rreptë në nivel europian, sidomos për barnat për humbje peshe që rrezikojnë të rëndojnë financat publike. /Gazeta Shneta/