Spitali Amerikan në Kosovë është i gatshëm të kryej shërbimin për testimet Covid-19 me metodën RT PCR dhe serologjike, nëse do të ketë përkrahje nga institucionet.
Në një deklaratë të Spitalit Amerikan thuhet se ky institucion shëndetësor mirëpret iniciativën e Qeverisë për t’ua ofruar mundësinë sektorit privat për të kryer teste. Por krahas kësaj, SA konsideron se Qeveria do të duhej të ofronte edhe uljen e kostos për qytetarët.
“Orientimi i drejte i pjesës së popullates të interesuar do të krijonte aftesinë e ofruesve të sherbimeve, për uljen e cmimeve ne masat 40-50 Euro për testimin PCR dhe në 30 euro për testimet serologjike. Këtu, përfshihen edhe marrjet e kampionëve për analiza si edhe nxjerrja e rezultateve në afate kohore mjaft të shpejta”, thuhet në deklaratë, transmeton Gazeta Shneta.
Deklarata e plotë:
Situata e vështire e krijuar nga pandemia, është shoqëruar edhe me rritjen e kërkesës nga ana e popullsisë për realizimin e testimeve laboratorike, të cilat nëpërmjet analizimeve te AND-se, ARN-së dhe proteinave në nivelin molekular, nëpërmjet teknikave moderne të bazuara në detektimin e acideve nukleike, arrijne të zbulojnë prekjen nga viruset.
Qeveria e Kosovës përballë kësaj situate të rënduar në vendimimet e saj per tejkalimin e kësaj situate ka kërkuar që edhe institucioneve shëndetësore private në vend tu ofrohet mundesia për realizimin e testeve serologjike dhe ato te metodes PCR.
Spitali Amerikan në Kosovë, ka vleresuar këtë qasje të Qeverisë së Kosovës dhe mirepret cdo bashkëpunim midis institucioneve shtetërore dhe atyre private. Realizimi I projekteve të cilat do te ofronin për popullaten testime masive, në shifrat mbi 1.500 analiza në ditë do të kërkonte që dhe qeveria të luajë rolin e saj me iniciativa për të ulur kostot e popullatës në marrjen e ketyre sherbimeve. Orientimi i drejte i pjesës së popullates të interesuar do të krijonte aftesinë e ofruesve të sherbimeve, për uljen e cmimeve ne masat 40-50 Euro për testimin PCR dhe në 30 euro për testimet serologjike. Këtu, përfshihen edhe marrjet e kampionëve për analiza si edhe nxjerrja e rezultateve në afate kohore mjaft të shpejta.
Bashkërendimi i iniciativave dhe I aktorëve kryesorë që janë shteti dhe privati do bëjë të mundur që situata në të cilen gjendet e gjithë popullsia dhe vendi ynë të menaxhohet më me lehtesi.
Spitali Amerikan Kosovë
#spitaliamerikan