Spitali Amerikan në Prishtinë ka marr pjesë me disa aktivitete në Kongresin dhe Panairin Mjekësor të organizuar nga Oda e Mjekëve të Kosovës.
Profesorë e mjekë të Spitalit Amerikan kanë kontribuuar me ligjërata në Kongresin e organizuar nga OMK. Disa prej tyre gjatë ditës së sotme kanë ligjëruar me tema të ndryshme për sëmundje dhe rastet nga fusha e kardiokirurgjisë.
Ndërkaq në panairin mjekësor, një numër i madh vizitorësh kanë pasur rastin të njoftohen nga afër me shërbimet e Spitalit Amerikan, si dhe kanë pasur mundësinë që të matin nivelin e sheqerit nga stafi mjekësor.
Poashtu personeli i spitalit ka vazhduar me fushatën për vetëdijesimin e grave kundër sëmundjes së kancerit të gjirit, si dhe me ofrimin e shërbimeve me çmime të përgjysmuara në kuadër të muajit tetor.
Mjekët e Spitalit Amerikan do të jenë të pranishëm në mënyrë aktive edhe gjatë ditës së nesërme me ligjërata.
Ndërkaq qytetarët dhe profesionistët shëndetësorë do ta kenë mundësinë që të njoftohen nga afër me aktivitetet e këtij institucioni shëndetësor në panairin mjekësor. /Gazeta Shneta/