Spitali Regjional “Isa Grezda” në Gjakovë ka shprehur ngushëllime për familjen Salihi, miqëve e bashkëpunëtorëve të tij me rastin e vdekjes së Dr. Mentor Salihi, pas një aksidenti me autoambulancë.
Gjatë kohës së aksidentiti Salihi ka qenë në kryerje të detyrës si mjek i Qendrës Urgjente në Gjakovë.
“Humbja e tij e hershme është goditje e rëndë jo vetëm për familjen, miqtë dhe bashkëpunëtorët, por për tërë komunën e Gjakovës. Spitali i Përgjithshëm “Isa Grezda” shprehë ngushllime të sinqerta për familjen Salihi dhe të gjithë miqtë e bashkëpunëtorët e të ndjerit”, thuhet në reagimin e spitalit.
Në nder të të ndjerit komuna e Gjakovës ka organizuar edhe homazhe në Pallatin e Kulturës “Asim Vokshi.
Homazhet do të mbahen nga ora 14:00 deri në orën 16:00, ndërsa varrimi i të ndjerit do të bëhet në orën 18:00 në varrezat e fshatit Nivizat në Komunën e Gjakovës.
Salihi dhe shoferi i autoambulancës Skofjar Gjini ndërruan jetë pas një aksidenti me autoambulancë derisa ishin duke ndihmuar një pacient në Gjakovë. /Gazeta Shneta/
Mentor Salihit i jepet sot lamtumira e fundit, mbahen edhe homazhe në Gjakovë