Spitali i Përgjithshëm “Dr. Sami Haxhibeqiri” në Mitrovicë ka uruar qytetarët dhe besimtarët me rastin e festës së Fitër Bajramit.
Përmes një njoftimi, nga ky institucion shëndetësor thuhet se kjo festë vjen pas muajit të shenjtë të Ramazanit dhe shoqërohet me urime për paqe, mbarësi dhe shëndet në familjet e qytetarëve.
“Urojmë që kjo ditë të sjellë mbarësi, paqe dhe, mbi të gjitha, shëndet në familjet tuaja”, thuhet në urimin e spitalit.
Njëkohësisht, nga spitali bëhet e ditur se shërbimet shëndetësore do të vazhdojnë pa ndërprerje edhe gjatë ditëve të festës, duke ofruar kujdestari 24 orë për pacientët./Gazeta Shneta/
