Spitali i Përgjithshëm në Pejë ka publikuar të dhënat për shërbimet e ofruara gjatë javës së kaluar.
Sipas raportit, në këtë periudhë janë regjistruar gjithsej 24 lindje, prej tyre 13 vajza dhe 11 djem.
Gjatë javës janë realizuar edhe 2,930 vizita specialistike, ndërsa janë pranuar 228 pacientë për trajtim. Mesatarisht, 200 pacientë kanë qenë të shtrirë çdo ditë në këtë institucion.
Në laborator, 1,372 pacientë kanë kryer gjithsej 15,310 analiza.
Sa i përket ndërhyrjeve kirurgjikale, janë kryer 62 operacione.
Në shërbimet diagnostike janë realizuar 729 incizime rëntgen, 244 ultrazëra dhe 70 MRI, si dhe 38 ekzaminime me ehokardiografi dhe 19 ergometri.
Po ashtu, janë kryer 11 gastroskopi dhe 9 kolonoskopi.
Në këtë periudhë janë ofruar edhe 301 dializa dhe 163 shërbime fiziatrike./Gazeta Shneta/