Spitali i Përgjithshëm “Dr. Sami Haxhibeqiri” në Mitrovicë ka njoftuar se gjatë gjashtëmujorit të parë të vitit 2026 janë kryer gjithsej 1,824 ndërhyrje kirurgjikale.
Sipas njoftimit të spitalit, operacionet janë realizuar me angazhimin e mjekëve specialistë të profileve kirurgjike, anesteziologëve, teknikëve të anestezionit, infermierëve dhe stafit tjetër mbështetës, transmeton Gazeta Shneta.
Numri më i madh i ndërhyrjeve është regjistruar në repartet e Obstetrikës dhe Kirurgjisë, me nga 334 operacione secila. Pasojnë Oftalmologjia me 327 operacione, Ortopedia me 326, Otorinolaringologjia (ORL) me 282, Urologjia me 144 dhe Gjinekologjia me 77 ndërhyrje kirurgjikale.
/Gazeta Shneta/