Gjatë javës së kaluar, Spitali i Përgjithshëm i Pejës ka zhvilluar një numër të lartë shërbimesh dhe trajtimesh mjekësore. Sipas raportit zyrtar, gjatë kësaj periudhe kanë ardhur në jetë 23 foshnje, prej tyre 13 vajza dhe 10 djem.
Statistikat kryesore të javës së kaluar, tregojnë një volum pune në sektorë të ndryshëm duke përfshirë:
– 3,142 vizita specialistike;
– 240 pranime spitalore dhe mesatarisht 160 pacientë të shtrirë çdo ditë;
– 1,808 pacientë kanë përfituar nga shërbimet laboratorike, me gjithsej 18,731 analiza të kryera;
– Në sallat e operacionit janë realizuar 35 ndërhyrje kirurgjikale;
– Për pacientët kronikë, janë realizuar 235 seanca dialize.
Ndërkohë, shërbimet imazherike dhe ekzaminimet funksionale janë realizuar me këto statistika:
– 648 Rëntgen, 287 Eho, 109 CT dhe 56 MRI.
– 17 ergometri dhe 43 ekokardiografi për pacientët me probleme kardiake.
Teksa, në kuadër të endoskopisë janë kryer 6 kolonoskopi dhe 12 gastroskopi, ndërsa fizioterapia ka ofruar 155 shërbime fiziatrike. /Gazeta Shneta/