Në një njoftim nga Spitali i Përgjithshëm Prizren – “prim.Dr.Daut Mustafa”, bëhet e ditur se në Repartin e Pediatrisë ka shënuar një nivel shfrytëzimi prej 86.9% të kapaciteteve gjatë muajit janar 2024.
Në këtë repart janë hospitalizuar 242 fëmijë, me një total prej 1.293 ditëve shërimi dhe një mesatare shërueshmërie prej 5.4 ditë. Reparti disponon 13 dhoma për pacientë me 48 shtretër, duke treguar një përdorim të plotësuar të kapaciteteve.
Në vitin 2023, Reparti i Pediatrisë ka trajtuar 2.165 pacientë, me një total prej 10.423 ditëve shërimi, duke kryer gjithashtu 12.260 vizita specialistike ambulantore dhe 250 vizita diagnostike.
Ky repart ka një staf mjekësor të specializuar prej 16 mjekëve pediatër, nën drejtimin e Dr. Fatmire Braha, e cila gjithashtu udhëheq Këshillin Profesional. Në të punojnë edhe 20 infermiere, udhëhequr nga kryeinfermierja Fidan Paqarizi.
