Mediat rumune i kanë kushtuar rëndësi të madhe arrestimit të shtetasit italian Mateo Politi, i cili u kap me një diplomë false të kirurgut plastik të cilën e kishte marr në Kosovë.
Gjatë ditës së sotme kryetari i Odës së Mjekëve të Kosovës, Dr. Pleurat Sejdiu, i ka shkruar një letër Kolegjit të Mjekëve të Rumanisë, ku ua ka sqaruar rastin se si ka arritur Politi të marr diplomën false nga Universiteti paralel i Prishtinës në veri të Mitrovicës, shkruan Gazeta Shneta.
E kjo letër sqaruese e Sejdiut është bërë lajmi kryesor i ditës në disa media të Rumanisë. “libertatea.ro” e ka vendosur në titull sqarimin e mjekut kosovar. Në lajmin e publikuar thuhet se “Oda e Mjekëve të Kosovës konfirmon diplomën e rrejshme të mjekut: I ‘njëjti’ doktor u përpoq të mashtrojë kirurgët në Kosovë’”, citohet Sejdiu në titullin e medias rumune.
Edhe “gandul.info”, e ka paraqitur pothuajse në mënyrë të njëjtë këtë sqarim. /Gazeta Shneta/
