Personeli i Klinikës së Gjinekologjisë në QKUK, kanë nisur një fushatë përkrahëse për gjinekologun Dr. Fehmi Ahmeti.
Shumë prej tyre kanë postuar në profilet e tyre në Facebook një postim ku thuhet se Ahmeti është i vetmi gjinekolog i cili kryen operacionet e rënda të kancerit të vezoreve, të cerviksit dhe vulvës së vaginës, shkruan Gazeta Shneta.
“Dita nderkombetare e karcinomes se ovareve,nje semundje mjafte progresive. Fatkeqesisht keto paciente qe jane te prekura nga kjo semundje por edhe nga karcinomat e avancuara te cerviksit,vulves vagines nuk munde te operohen ne institucionet publike te Kosoves! I vetmi specialist gjinekolog me PERVOJE SHUME VJEQARE ne operacione radikale gjindet ne burg shtepiak. DR FEHMI AHMETI !!!”, thuhet në këtë postim.
Në përkrahje të Ahmetit u patën deklaruar edhe Shoqata e Gjinekologëve të Kosovës. Ai u arrestua dhe iu vendos masa e arrestit shtëpiak pasi u konstatua se kishte kryer abortin e vajzës nga Drenasi pa kushte adekuate dhe pa licencë pune në ordinancën e tij “Kestrina” në Prishtinë. /Gazeta Shneta/
