Studiuesit britanikë kanë ridizajnuar një aparat të frymëmarrjes në mënyrë që të mund të përdoret për të trajtuar njerëzit me probleme të frymëmarrjes të lidhura me koronavirusin – dhe për t’i mbajtur pacientat larg shtretërve të kujdesit intensiv.
Makineritë zakonisht janë përdorur për të trajtuar pacientët me apnea të gjumit shkruan CNN.
Sipas University College London, procesi i projektimit zgjati më pak se dy javë dhe është aprovuar për përdorim nga Shërbimi Kombëtar i Shëndetit në Mbretërinë e Bashkuar (NHS) përcjell Gazeta Shneta.
Poashtu, është thënë se këto makinat e ridizajnuara të CPAP (Continuous Positive Airway Pressure) do të ndihmojnë në lehtësimin e presionit mbi kapacitetin e ventilatorit spitalor duke trajtuar pacientët që kanë nevojë për mbështetje më pak intensive.
Makineritë u krijuan në bashkëpunim me klinikën, dhe së bashku me mbështetjen inxhinierike nga ekipet e Formula 1 me qendër në Mbretërinë e Bashkuar.
Profesori Tim Baker nga departamenti i Inxhinierisë Mekanike të UCL tha këtë në një deklaratë:
“Nisur nga nevoja urgjente, ne jemi mirënjohës që arritëm të zvogëlojmë një proces që mund të zgjasë me vite – në një çështje ditësh”.
Punëtorët e kujdesit shëndetësor në shumë pjesë të botës kanë probleme për të marrë furnizime të mjaftueshme esenciale, të tilla si maska, doreza dhe ventilatorë, për t’u marrë me fluksin e pacientëve që vuajnë nga virusi ngjitës. /Gazeta Shneta/