Kryetari i Federatës së Sindikatave të Shëndetësisë, Blerim Syla, është shprehur i zhgënjyer me Qeverinë Haradinaj.
Syla ka deklaruar se qeveria e re e formuar nga koalicioni PAN, nuk po e respekton marrëveshjen e nënshkruar me punëtorët shëndetësorë gjatë fushatës zgjedhore.
“Qeveria nuk është duke e respektuar marrëveshjen dhe ne si sindikata do të reagojmë së shpejti”, ka deklaruar Syla në Radio Kosova.
Ai ka thënë se deri më tani nuk kanë reaguar shkaku i zgjedhjeve, për të mos politizuar kërkesat e tyre.
Kujtojmë se sindikalistët patën organizuar protesta dhe greva një ditëshe gjatë muajit prill.
Kërkesat e tyre janë rritja e pagave, përmirësimi i kushteve të punës, siguria në punë, furnizimi me barna dhe materiale, etj. /Gazeta Shneta/