Partia Socialdemokrate e Kosovës ia ka shtruar sot tapetin e kuq në Emergjencë të Qendrës Klinike Universitare të Kosovës, Ministrit të Shëndetësisë, Rifat Latifi.
Përmes kësaj simbolike, PSD ka bërë të ditur se ministri aktual i shëndetësisë është duke qëndruar më tepër në aeroplane se në Kosovë.
“Në këtë vend, në QKUK, ku secili qytetarë i Kosovës ka mujt me vrejt a ka ndodh ndryshimi i madhe, ndyshimi i shpresës, i 14 shkurtit. Krejt e dim që në QKUK dhe në spitale nuk ka ndodh bash hiç asgjë. Ndryshimi nuk është propagandë as poezi, ndryshimi është shërbime shëndetësore, shërbimi është shëndeti më i mirë”, tha Donjeta Demolli, anëtare e kryesise së PSD-së gjatë konferencës për media.
Sipas Demollit, përveç ndyshimeve të ministrave të shëndetësisë, Qeveria në pushtet nuk ka ndyshuar asgjë, sa i përketë shëndetësisë.
“Krejt çka na ka dhënë kjo qeveri është dy ministra, janë dy figurat kryesore të shëndetësisë njëri prej tyre, Arben Vitia i cili është sot drejt i spitalit privat dhe tjetri është ministri Latifi i cili nuk po zbret prej aeroplanit”, është shprehur po ashtu Demolli.
Ajo theksoi se lista e pritjes së pacientëve është ende e gjatë, ka mungesë të barnave nga Lista Esenciale, sallat e ndërhyrjeve kirurgjke janë të mbyllura ndërsa mjekët janë duke e braktisur punën në institutcione shëndetësore publike për ato private apo janë duke u larguar nga vendi.
“As nuk po e shohim ministrin as nuk po e shohim punën e tij. Është e qartë që ky ministër është jashtë realitetit të Kosovës”, vlerësoi anëtarja e PSD-së.
PSD ditë më parë pati gjuajtur miell në drejtim të Ministrit të Financave, Hekuran Murati, në shenjë pakënaqësie për punëtorët. /Gazeta Shneta/