Ministri i Shëndetësisë Arben Taravari, tha se të paktën 1000 mjekë mungojnë në shëndetësi.
Në një intervistë për zërin e Amerikës ai theksoi se këta mjkë I duhen vendit urgjentisht dhe pa vonesë, të paktën deri në fund të vitit të ardhshëm.
Ministri njofton punësimin e 600 specializantëve privat, si dhe gjetjen e zgjidhjes për 1200 punonjës shëndetësorë të punësuar me kontrata pune. Ministri tha se ata që presin punësim janë kandidatë potencialë për të ikur jashtë vendit.
“Për të tejkaluar këtë situatë, Qeveria ka marrë vendim që të punësojë 600 specializantë privatë, 300 prej të cilëve deri në fund të këtij viti dhe 300 të tjerë gjatë vitit të ardhshëm.
Deri në fund të vitit presim të zgjidhet statusi i 1200 punonjësve të tjerë shëndetësorë, disa prej të cilëve punojnë me kontratë prej 10 vitesh”, tha ARBEN TARAVARI,MINISTËR I SHËNDESTËSISË.