Kryesia e Kuvendit të Republikës së Kosovës mbajti sot mbledhjen e rregullt, ku u vendos që Kuvendi të mblidhet të enjten, në orën 10:00, për trajtimin e pikave të miratuara me shmangie nga afatet procedurale.
Gjithashtu, të premten, po në orën 10:00, Kuvendi do mbajë një seancë në nderim të ish-kongresistit amerikan, mikut të madh të Kosovës, Eliot Engel, për të vijuar në orën 11:00 me seancën plenare të radhës, thuhet në njoftim.
“Në mbledhjen e sotme Kryesia miratoi Rregulloren për procedurat, masat teknike dhe organizative për sigurinë e të dhënave personale në Kuvendin e Republikës së Kosovës, rekomandimin e Komisionit për Buxhet lidhur me Kornizën Afatmesme të Shpenzimeve të Kuvendit të Republikës së Kosovës për periudhën 2027-2029, si dhe shqyrtoi çështje të tjera nga fushëveprimtaria e saj”, përfundon njoftimi.