Tevide Imeri nga sot e ka marr zyrtarisht detyrën e kryetares së Federatës së Sindikatave të Shëndetësisë.
Kështu ka njoftuar sot FSSHK përmes një komunikate për media ku thuhet se dorëzimi i detyrës është bërë në prezencë të Komisionit, transmeton Gazeta Shneta.
“Sot me datë 04.05.2022 në Zyrën Qendrore të FSSHK-së është bërë pranim dorëzimi i detyrës së Kryetares në prezencë të Komisionit për pranim dorëzimin e detyrës zyrtare i cili Komision ka verifikuar dokumentacionin të cilin edhe ia kanë dorëzuar Kryetares znj. Tevide Imeri.
Kryetarja pas marrjes së detyrës zyrtarisht u zotua se do të përmbush të gjitha premtimet e dhëna para anëtarësisë së gjerë dhe si aktivitet të parë ka përcaktuar takimin me partnerin social Ministrinë e Shëndetësisë.
Nga java e ardhshme Kryetarja do të fillojë një seri takimesh me të gjithë krerët relevant në shëndetësi dhe me anëtarësinë e gjerë të FSSHK”, thuhet në njoftim.
Kujtojmë se Tevide Imeri është zgjedhur kryetare e FSSHK-së në kongresin e mbajtur javën e kaluar. /Gazeta Shneta/