Presidenti i Kosovës Hashim Thaçi është liruar nga Klinika e Urologjisë ku kreu sot një operacion për heqjen e gurëve nga veshka.
Thaçi në një postim në Facebook ka njoftuar se tanimë është liruar nga spitali dhe është në gjendje të mirë shëndetësore, shkruan Gazeta Shneta.
“Sapo jam liruar për trajtim në shtëpi, pas një intervenimi që kisha sot në Klinikën e Urologjisë së Qendrës Klinike Universitare të Kosovës. U jam shumë mirënjohës mjekëve dhe stafit për trajtimin profesional. Po ashtu, i falënderoj të gjithë miqtë dhe përkrahësit që më kanë shkruar dhe janë interesuar për gjendjen time shëndetësore”, ka shkruar presidenti.
Thaçi ka publikuar disa fotografi ku është parë me mjekun i cili e ka kryer operacionin, urologu Dr. Bashkim Gllareva. /Gazeta Shneta/
