Në fund të këtij muaji bëhen tre muaj që infermierët dhe stafi mbështetës nuk janë paguar nga shteti për punën e tyre shkruan Gazeta Shneta.
Për të shprehur pakënaqësit e tyre për mos transferim të pagave nga ana e Ministrisë së Financave, Punës dhe Transfereve, infermierët dhe stafi shëndetësorë i angazhuar gjatë pandemisë së coronavirusit nga Ministria e Shëndetësisë do të protestojnë.
Sipas dokumentit të siguruar nga Gazeta Shneta, protesta është një orëshe, nga ora 09:00 deri në orën 10:00.
“Ne, infermierët dhe stafi mbështetës të punësuar nga Ministria e Shëndetësisë, në mënyrë paqësore do të shprehim pakënaqësit tona lidhur me pagat të cilat nuk na janë dhënë për gati tre muaj”, thuhet në dokument.
Protesta pritet të mbahen para objektit të Ministrisë së Shëndetësisë.
Gjatë kohës sa vendi po përballej me fluks të lartë të të infektuarve me coronavirus, Ministria e Shëndetëisës pati angazhuar mbi 1200 mantelbardhë për të ndihëmuar pjesën tjetër të stafit nëpër Klinika dhe Spitaler Regjionale në vend.
Në anën tjetër, MSh në një përgjigje për Gazetën Shneta, dhënë disa ditë më parë, ka thënë se ditëve në vijim do të bëhet transferimi i pagave për mantelbardhët. /Gazeta Shneta/
Stafi shëndetësor mbështetës tash e dy muaj pa paga, MSh hesht