Presidenti i Shteteve të Bashkuara të Amerikës, Donald Trump, ka mbështetur përdorimin e taksave tatimore për të ndihmuar njerëzit të pranojnë sigurimin shëndetësor. Kjo ka ndodhur ditën e martë në një fjalim në Kongres dhe kjo është hera e parë që ai sinjalizoi përkrahjen për një komponent kyç në shtëpinë e Republikanëve për të zëvendësuar ‘Obamacare’.
Republikanët që kontrollojnë Shtëpinë e Bardhë dhe Kongresin, janë të bashkuar në opozitë ndaj presidentit të kaluar nga Demokrat, Barack Obama dhe nënshkrimit të tij për ligjin për sigurim shëndetësor. Mirëpo deri më tani ata kanë dështuar të pajtohen në detajet se si ta zëvendësojnë atë.
“Ne duhet t’i ndihmojmë amerikanët të marrin mbështetjen e tyre për sigurim shëndetësor me anë të përdorimit të kredive tatimore dhe të zgjerojmë ‘Health Savings Accounts’ që janë llogaritë e kursimit për shëndetësi”, ka thënë Trump.
“Por ky duhet të jetë plani që njerëzit duan e jo plani që imponohet nga qeveria jonë”, transmeton Gazeta Shneta.
Demokratët janë të indinjuar nga ngacmimi ndaj ‘Obamacare’, sigurim ky që i mbulonte me miliona njerëz që ishin të pa sigurim shëndetësor.
Një draft projekt nga Republikanët për të zëvendësuar ‘Obamacare’ përmban në vete marrjen e kredisë tatimore të bazuar në moshë dhe këtë mbulim do ta merrnin qytetarët të cilët nuk kanë sigurim shëndetësor të ofruar nga puna, e me ketë kredi ata do të mund të mbulonin shpenzimet shëndetësore.
Disa Republikanë e kanë kundërshtuar zëshëm këtë plan.
Komentet e Presidentit kanë dhënë mesazh përkrahjeje edhe për siguruesit shëndetësor, ata të cilët Trump i ka takuar të hënën. Siguruesit shëndetësor kanë thënë se kredia tatimore është e nevojshme që t’i mbajë njerëzit në treg.
“Fakti që ai po përdor fjalën ‘kredi tatimore’ është sinjal për radhët e kongresit të Republikanëve”, deklaroi Tom Miller, i cili është anëtar i politikave shëndetësore në ‘think tank’ në ‘American Enterprise Institute’.
Ai poashtu e mbështet këtë propozim. Trump tha se amerikanët duhet të jenë të aftë të blejnë sigurimin përtej kufijve të shtetit, një propozim i favorizuar nga siguruesit shëndetësor, kjo sepse do t’i mundësonte siguruesve të ofronin plane edhe në shtete me më pak pengesa rregullative.
Trump tha se qeveritarët duhet të kenë akses në resurset e ‘Medicaid’, në programet e qeverisë për të varfrit në lidhje me sigurimet shëndetësore dhe të sigurojnë që askush nuk mbetet ‘jashtë loje’. Kjo ishte një mënyrë e lehtësimit të shqetësimit që kanë më shumë se 30 qeveritarë të cilët e kanë zgjeruar mbulimin e ‘Medicaid’ nën ombrellën e ‘Obamacare’.
Trump dha pak detaje në lidhje me mënyrën se si do ta pajtonte shtëpinë e Republikanëve për t’i larguar zgjerimet e ‘Medicaid’, krejt këto me premtime që të zotërojnë një mbulim të sigurimit shëndetësor që e kanë pasur nga ‘Obamacare’.
Ai gjithashtu ripohoj se ata me çrregullime pri-ekzistuese do të kenë mbulim, por nuk tregoi se si do të arrihej kjo. /Gazeta Shneta/