Qindra njerëz kanë protestuar këtë të mërkurë në Ukrainë, si rezultat i kundërshtimit të vaksinimit të detyrueshëm kundër Covid.
Deri më tani, Ukraina ka regjistruar shifra të larta të infektimit me Covid, dhe gjithashtu edhe të viktimave në javët e fundit shkruan Reuters, transmeton Gazeta Shneta.
Aktualisht, vendi ka arritur në tre milionë raste të infektimit me Covid dhe 69,447 viktima.
Bazuar në statistikat e fundit, vendi ka bërë që vaksinimi kundër Covid-19 të jetë i detyrueshëm.
Dëshmia e vaksinimit dhe testi negativ i Covid kërkohet në restorante, palestra dhe në transporte publike.
Protestuesit, e shumë prej tyre ishin të rinjë, e kundërshtuan këtë vendim.
Ata, këtë të mërkurë, protestuan dhe përmes posterave, ata përcjellën mesazhet e tyre, të tilla si “Thuaj jo pasaportave të Covid”.
Në lidhje me këtë protestë, ka reaguar edhe Ministri i Shëndetësisë në Ukrainë, Viktor Lyashko.
“Tubime të tilla që shohim sot, me thirrje për të kundërshtuar vaksinimin, për mendimin tim, bëjnë tallje me mjekët dhe familjet tona, të cilët, për fat të keq, kanë humbur të afërmit e tyre për shkak të koronavirusit”
Aktualisht, Ukraina ka mbetur mbrapa vendeve evropiane në lidhje me administrimin e vaksinave kundër Covid./Gazeta Shneta/