Ne kemi folur me një përfaqësues të agjencisë së fëmijëve të OKB-së në vendin e sulmit masiv që ndodhi në Kiev në fillim të kësaj jave.
Komuniteti lokal është “i tronditur” pasi tre fëmijë u vranë dhe të paktën gjashtë të tjerë u plagosën në sulm, tha për Sky News Toby Fricker, shefi i komunikimit në UNICEF Ukrainë.
“Ka pasur një ndikim shkatërrues jo vetëm në këtë komunitet, por edhe te fëmijët anembanë vendit. Ne kemi parë sulme gjatë dy javëve të fundit që godasin vërtet fëmijët në vende në të gjithë vendin.”
Ai tha se disa adoleshentë vendas po prisnin dje për 12 orë për të shpresuar se shoku i tyre nga shkolla do të nxirrej i gjallë, por fatkeqësisht ai u gjet mes të vdekurve, transmeton klankosova.
“Ajo që fëmijët kanë nevojë është një paqe të vërtetë dhe të qëndrueshme. Ata kanë jetuar tre vjet luftë dhe janë të prekur drejtpërdrejt – fëmijët që i kanë mbijetuar këtij tmerri këtu – tani duhet të shërohen”, tha ai.