Përveç kirurgëve abdominal në QKUK dhe Spitalin e Përgjithshëm të Mitrovicës, në grevë kanë hyrë edhe urologët.
Gazeta Shneta merr vesh se personeli mjekësor në Klinikën e Urologjisë në QKUK, kanë marr vendim që nga sot t’i bashkëngjiten grevës së kirurgëve.
Greva e nisur nga kirurgët abdominal duket se po zgjerohet edhe më tutje nëpër klinika e spitale tjera.
Sipas burimeve edhe mjekët e Spitalit të Ferizajt së shpejti pritet të bëjnë të njëjtën gjë.
Ministri i Shëndetësisë Uran Ismaili dhe kryeministri Ramush Haradinaj, kanë paralajmëruar rritjen e pagave për mjekët.
Ismaili ka takuar të hënën kirurgët abdominal dhe ua ka bërë me dije se rritja e pagave nuk mund të ndodhë para rishikimit të buxhetit në qershor.
Ai nuk ka arritur që t’i bind mjekët për të hequr dorë nga greva, ndërkohë që ata kanë paralajmëruar se do të ndërpresin punën edhe në repartet emergjente. /Gazeta Shneta/