Anita Pllana, vajza e kandidatit për drejtor në Spitalin Regjional të Mitrovicës, Sadri Pllana, është punësuar javë më parë si farmaciste në Barnatorën Qendrore të spitalit.
Gazeta Shneta ka telefonuar urologun, Sadri Pllana, për të konfirmuar një gjë të tillë mirëpo i njejti as nuk e ka mohuar dhe as nuk e ka pohuar. Burime të Gazetës Shneta, thonë se Pllana e ka vajzë tashmë farmacistën e Barnatorës Qendrore.
Në anën tjetër, në dokumentin e siguruar nga Gazeta Shneta, bëhet e ditur se në këtë konkurs, të hapur në shkurt të këtij viti, përveç Anita Pllanës kundërkandidatë kanë qenë edhe dy persona të tjerë me po të njejtin mbiemër, Pllana.
Sipas dokumentit, Anita Pllana ka arritur në total 94,2 pikë kështu duke lënë mbrapa, Faton Pllanën me 73,8 pikë si dhe Galdim Pllanën me 61,6 pikë.
Në lidhje me këtë Gazeta tash e disa ditë ka tentuar të kontaktoj me Barnatorën Qendrore të spitalit mirëpo të njejtët nuk janë përgjigjur./Gazeta Shneta/