Vorbulla ciklonike që ka depërtuar mbi Itali, me të ftohtin dhe reshjet e borës që solli në disa pjesë të rajonit, ditëve në vijim do të zhvendoset në lindje në jug të rajonit tonë, ku do të vazhdoj të sjellë në vendin tonë kushte për mot të ftohtë dhe kohëpaskohe me reshje shiu.
Në fundjavë, janë rritur mundësitë për një tjetër depërtim të të ftohtit nga Arktiku, që mund të bie reshje të borës edhe në vendin tonë, njofton Prishtina Weather, transmeton Gazeta Shneta.
Ditëve të ardhshme do të vazhdoj të mbajë mot i ftohtë, kryesisht i vranët, kohëpaskohe me reshje të dobëta shiu.
Ditën e diel, me kalimin e frontit të ftohtë nga veriu, reshjet e shiut do të përzien edhe me borë, e vonë gjatë natës priten reshje bore, që në orët e para të ditës së hënë do të pushojnë.
Temperaturat e ajrit do të luhaten rreth vlerave mesatare për këtë periudhë kohore, me minimale nga 3C deri në 4C, e maksimale nga 5C deri në 8C, e në fillim të javës së ardhshme do të zbresin tutje deri në 4C, e minimalet edhe deri në -2C.
Era do të fryejë mesatarisht nga verilindja 3-8m/s.
Shtypja atmosferike do të rritet mbi vlera normale, e më pas do të zbres rreth këtyre vlerave.