Qendra Klinike Universitare e Kosovës po vazhdon të përballet me mungesë të barnave. Në Klinikën e Urologjisë gjatë 10 ditëve të fundit janë anuluar disa operacione. Drejtori i klinikës, Dr. Rexhep Kasumaj, ka thënë për Zëri se pesë pacientë kanë rënë nga programi për shkak të mungesës së anestetikëve.
“Ka ndodhur që edhe më herë kanë rënë prej programit për shkak të anestetikëve, por ne nuk kemi mbajtur evidencë se sa persona kanë rënë nga programi, por ka ndodhur që brenda këtij viti diku kanë qenë edhe dy-tri raste të tjera. Më herët ka qenë për shkak të tjetër lloji të anestetikëve”, ka theksuar ai.
Kasumaj ka bërë të ditur se pacientët ftohen për operacion pasi të furnizohen me medikamentet e nevojshme.
Gjendje e njëjtë ka qenë edhe në klinikat tjera pasi ka pasur mungesë të anestetikut Fentanyl. SHSKUK ka njoftuar se është furnizuar me këtë medikament dhe të tjera për tre muajt e ardhshëm. /Gazeta Shneta/
