Ende nuk i ka bërë 1 muaj që kur ka ardhur në krye të Qeverisë, por Ramush Haradinaj sot ka zhvilluar vizitën e dytë në Qendrën Klinike Universitare të Kosovës.
Vizitën e parë e bëri në ditën e parë kur u zgjodh kryeministër nga ku u zotua se do ta përmirësoj gjendjen e shëndetësisë.
Por të dytën e bëri për skandalin e vdekjeve të dyshimta në klinikat e QKUK-së.
Siç raportoi Gazeta Metro, Haradinaj shkoi te drejtori i përgjithshëm Curr Gjocaj për të kërkuar detaje rreth vdekjes së pacientëve, shkaku i të cilave ende nuk është zbardhur.
Zyrtarët ende nuk kanë bërë të ditur detajet nga takimi, por vizita e Haradinajt vjen vetëm një ditë pasi Gjocaj nuk pranoi të marr asnjë përgjegjësi për këtë skandal.
Haradinaj tha se QKUK-ja ka shumë defekte, por me të cilat shumë shpejt do të ballafaqohemi.
Ndërsa ministri i Shëndetësisë dje ka paralajmëruar shkarkime për vdekjen e pacientëve.
Mjekësia ligjore tashmë ka kryer obduksionin e trupave, ndërsa pritet që të dal me rezultate. /Gazeta Shneta/